Sali Zämme

Im Oktober 2009 hani dChance übercho bim Jugendtreff Eglisau min Istieg i dä Jugendarbeit zfinde. Ich freu mich uf alli neuii und bereits bekannti Gsichter im Jugi. Mehrheitlich bini am Frietig Abig aber au amene Samstig Abig, wenn en Alass stattfindet und sJugi offe isch, in Eglisau azträffe. Da bin ich jederziet offe für es Gspröch, wenn ihr öppis ufem Herze hend oder au wenn ihr öppis wend loswerde – meldet euch! Wenn ihr neuii Idee für dGstaltig vom Jugi-Abig hend oder es Projekt wend uf dBei stelle, nimmi euii Wünsch und Idee gern entgege und zämme mit dem Jugi Team chömmer sicher öppis realisiere.

Ursprünglich hani dLehr als kaufmännischi Agstelltig uf dä Gmeindsverwaltig absolviert. Zurziet schaffi no hauptbrueflich als Zivilstandsbeamtin uf dä Gmeind, jedoch isches mis Ziel mich i de nöchste Jahre i dä Soziale Arbet uszbilde. I dä Freiziet rieti mehrmals i dä Wuche mit mim Pflegepferd us, Fötele gern, gang mit mine Kollege furt und liebes fremdi Länder und Kulture zentdecke.

Ich wohne z'Uster, bin 26 Jahre alt. Min Vater ischSchwiizer mini MuetterchuntusBrasilie. Ich han Kunstklass in Zürigmacht und wot mich ez de Sozialarbeit widme und da isch mir die Stell in Eglisau grad perfekt vorcho. Mini Hobbies sind Fuessball, Sport, Zeichne und Fotografiere. Ich bin eigentli für alles offe darum bini au immer ready für es Projekt etc. Ich bin meistens am Mittwuch im Jugi und versueche au am Fritigverbizcho.. Bis uf bald..